1МФЛ: Шкупи со победа ја завери есенската титула
Фудбалерите на Шкупи со убедлив триумф од 0:3 на гостувањето кај Борец ја потврдија есенската титула во Првата фудбалска лига. Шкупи во 18 кола во 1МФЛ, оствари 13 победи, три ремија и само два порази и ќе „презими“ на првото место на табелата со 42 бода, седум повеќе од второпласираната Академија Пандев.
Победата на Шкупи во последното коло од есенскиот дел од шампионатот му ја донесоа Сандеј Адетунџи кој даде два гола и Марко Ѓорѓиевски кој во 86 минута го постави конечниот резултат.
Академија Пандев славеше минимален триумф од 1:0 против Пелистер, а голот го постигна Фарук Бихорац во 90 минута.
Актуелниот шампион Шкендија на тешкиот терен во Тетово благодарение на голот на Синдрит Гури со 1:0 го совлада Скопје.
Првиот дел од сезоната, во добра форма го заврши Македонија ЃП која со триумфот над Работнички од 1:2 врза две победи.
Резултати:
Академија Пандев – Пелистер 1:0
Борец – Шкупи 0:3
Работнички – Македонија ЃП 1:2
Шкендија – Скопје 1:0
Тиквеш – Брегалница 1:3
Струга ТЛ – Ренова одложена за 14 декември
ТАБЕЛА: Шкупи 42 бода, А. Пандев 35, Шкендија 34, Брегалница 29, Ренова 27 (-1), Македонија ЃП 27, Струга ТЛ 23 (-1), Работнички 22, Скопје 20, Тиквеш 15, Борец 12, Пелистер 5.