1МФЛ: Пелистер и го нанесе првиот пораз на Шкендија, Вардар со победа ја заврши годината

фото: ФК Шкендија

Со денешните натпревари од 18. коло заврши есенскиот дел од сезоната во Првата фудбалска лига, а во која најдобар тим е Шкендија.
Тетовчани кои во претходното коло ја обезбедија есенската титула, денеска се поразени од Пелистер и тоа благодарение на голот од пенал на Борче Маневски во последните моменти од натпреварот.

За разлика од Шкендија која со пораз ја заврши годината, најтрофејниот фудбалски колектив во Македонија, Вардар, кој има тешки финансиски проблеми славеше на гостувањето кај Беласица со 0:3. Вардарци победата ја најавија уште во првата минута Мартин Мирчевски, а во второто полувреме Стојчевски и Цветановски ја заверија победата.

Беласица – Вардар 0:3
Македонија ЃП – Ренова 2:3
Работнички – Борец 2:1
Шкендија – Пелистер 0:1
Шкупи – Струга Трим Лум 1:2
Силекс – Академија Пандев 1:2.

Табела: Шкендија 39, Шкупи 33, Македонија ЃП 33, Струга Трим Лум 28, Вардар 25, Борец 25, Работнички 24, Силекс 22, Ренова 19, Пелистер 18, Академија Пандев 17, Беласица 9.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот