Екипата на Брегалница продолжува со добрите игри во првата фудбалска лига и по пет кола е една од двете екипи, заедно со Струга ТЛ кои немаат пораз.

По четирите ремија во првите четири кола, Брегалница денеска дојде до првиот триумф и тоа над лидерот Академија Пандев со 3:2. Јунак на Брегалница беше Марјан Алтипармаковски кој во 93 минута го постигна голот за победа и три бода.

„Пандевци“ во два наврати имаа предност, прво Велиновски го отвори резултатот, а Мирчевски во 73 минута и донесе предност од 1:2 на своја екипа. Домаќините не се предаваа, преку Ескиќ во 66 минута израмнија на 1:1, а во финишот направи и пресврт со головите на Ѓокиќ во 83 и Алтипармаковски во 93 минута.

Киксот на А. Пандев го искористи Шкупи кој со победата од 4:1 над Скопје се израмни на првото место на табелата со 10 бодови.
Шампионот Шкендија продолжува со променливите игри и одигра само 2:2 на гостувањето кај Пелистер.

Резултати:
Брегалница – А. Пандев 3:2
Македонија ЃП – Борец 3:2
Пелистер – Шкендија 2:2
Ренова – Работнички 1:1
Шкупи – Скопје 4:1
Тиквеш – Струга 1:1.

Табела: Шкупи 10, А. Пандев 10, Струга 9, Македонија ЃП 9, Ренова 8, Работнички 8, Брегалница 7, Шкендија 6, Скопје 5, Борец 4, Тиквеш 2, Пелистер 1.