Заев до Мицкоски: Вашите луѓе сакаа да ме убијат во Собранието
Вие држите морални предавања, за 27 април, за настан на кој и вие бевте учесник во толпата која сакаше да ме убие. Ве видовме на сликите и сега држите морални предавања што е исправно а што не, па треба да се засрамите од моите лузни. Не јас. Заради тоа што вашата политичка партија организираше толпа во која и вие учествувате, сакаше да ме убие мене и други пратеници кои беа таму, порача претседателот Зоран Заев во вечерашното ТВ соочување во емисијата „Само вистина“ на Канал 5 Телевизија.
Лидерот на ВМРО-ДПМНЕ на ова му возврати дека се помириле со тој што ја отворил вратата дента.
Заев му посочи дека тој не учествувал во процесот на помирување, на што Мицкоски рече:
„Јас и вие не сме скарани за да помируваме“.