17 пациенти починаа во скопските болници, најмладиот има 31 година
Како што информираше Министерството за здравство, во изминатото деноноќие починаа вкупно 41 пациент со компликации од ковид-19, од кои 17 се од Скопје.
Најмладиот од починатите е 31-годишен скопјанец, кој во текот на изминатото деноноќие ја загуби битката со ковид-19.
Во Скопје во последните 24 часа животот го загубија уште 16 лица, а во главниот град моментално има 10382 активни случаи со ковид-19.
Животот го загубија и четири пациенти од Охрид на возраст од 60 до 74 години, а исто толку починаа и во Гостивар на возраст од 54 до 91 година. Три лица ја загубија битката со ковид и во Струмица тие се на возраст од 78, 63 и 70 години. Бројот на починати во Битола е ист како и во Струмица, а починатите пациенти се на возраст од 75, 60 и 77 години.
Нови 1022 позитивни случаи на ковид-19 во земјава, починати се 41 лице
По двајцата пациенти изгубија и Прилеп (56 и 71 г) и Велес (76 и 58 г). Во денешната статистика на починати се регистрираат и пациенти од Кавадарци (67г), Радовиш (67г), Кочани (68г), Пробиштип (85г), Валандово (75г) и Кичево (66г).