23 C
Скопје

10 наједноставни начини да се храните здраво – без изговори

Секогаш имате изговор кога станува збор за здрава исхрана. Сакате да се залажувате дека немате време за готвење, зеленчукот не е вкусен, слатките ги чувате дома за децата. Постојат начини на кои можете да си помогнете да ги избегнете тие мали лаги и да почнете да се храните здраво.

 „Зеленчукот е толку невкусен кога го готвам сама“

Решение: во подготовката на зеленчукот најчесто грешите кога го готвите премногу долго. Без разлика дали го варите, печете или приготвувате на скара, секогаш скратете го вообичаеното време за готвење, потоа додајте му сезонски сос. Обидете се да го приготвите овој брз сос: измешајте еднакви делови од маслиново масло и балзамико оцет со половина лажичка истолчен лук и сенф. Посипете го зеленчукот со пржени бадеми, семки од тиква или свежи зачински билки како босилек и магдонос.

 „Немам време за готвење“

Решение: пригответе здраво главно јадење како, на пример, пилешко или лосос на жар и додајте му брзи прилози како кускус, смрзнат зеленчук кратко потпржен и сл. Не избирајте готови јадења, теста или сосови на база на мајонез, кои кријат дополнителни калории.

 „Слатки и чипс чувам за децата и секогаш јас ги грицкам“

Решение: вашите деца исто така треба да јадат здрава храна, затоа не треба секогаш да им е лесно достапна брзата храна. Полека воведете суптилни промени како грахам крекери наместо колачи, печен чипс наместо купечки, чоколадно млеко наместо газирани пијалаци. Слатките што во пакет имаат по 100 калории се дозволени само ако можете да се сопрете на едно пакетче два-три пати во месецот.

 „Сакам солени јадења“

Решение: избегнувајте големи количини сол, која ја има во преработената храна и сочинува околу 80 отсто од 2300 мг натриум дневна дозволена количина. Вишокот натриум го зголемува ризикот од висок крвен притисок и мозочен удар. Две лажици сос за салата можат да имаат натриум како 85 грама чипс. Кога купувате пакувана храна, пронајдете марка со најнизок процент натриум.

 „Секојпат кога купувам свежи производи, брзо се расипуваат“

Решение: свежите зеленчуци и овошја можете да ги чувате околу седум дена, ако се соодветно складирани во фрижидер, спакувани во чисти, тенки ќесиња. Некои од нив пуштаат гасови, кои лошо влијаат врз другите овошја и зеленчуци и можат да ги расипат. Не заборавајте дека одредени зеленчуци и овошја како манго, домати и банани траат подолго кога не се чуваат во фрижидер.

„Не можам да преживеам без благо“

Решение: изедете малку темно чоколадо наместо слатките што инаку ги јадете. Флавоноидите во темното чоколадо можат да го намалат крвниот притисок и да ја подобрат циркулацијата, а тоа се два фактора што штитат од срцеви болести. Темното чоколадо исто така нуди повеќе оксиданти од млечните производи и речиси иста количина како една и пол чаша боровинки. Побарајте темно чоколадо кое има најмалку 60 отсто какао, што поголем процент какао значи помалку дополнителен шеќер.

 „Зависна сум од јаглехидрати“

Решение: јаглехидратите се главна храна за мозокот, но не и рафинираните јаглехидрати какви што се леб и слатки. Тие го поттикнуваат ослободувањето на инсулин, кој брзо може да го намали нивото на шеќер во крвта и ќе направат брзо да се чувствувате гладни и уморни. Додајте протеини во секој оброк и меѓуоброк, бидејќи потешко се метаболизираат и долго ќе ве држат сити, а поради тоа помалку ќе јадете. Добри извори на протеини се немасно говедско, пилешко, сирење, јајца, ореви, грав, лосос или туна.

 „Знам дека е здрава, ама не сакам риба“

Решение: сите морски плодови немаат силен вкус или мирис. Со само 150 калории, 100 грама печена риба има повеќе протеини од хамбургер и повеќе калиум од банана. Рибата е еден од ретките изводи на омега-3 масни киселини, кои помагаат во заштита на срцето и меморијата.
Намачкајте ја рибата со маслиново масло, посипете со морска сол, црн пипер и испечете ја со свежи гранчиња рузмарин и магдонос.

 „Немам време за здрав ручек“

Решение: спакувајте си ручек за да не ве мамат нездравите калории на работа. Додајте интегрални крекери, немасен јогурт, малку немасно сирење, туна, моркови, јаболко, банана, мало пакување бадеми или ореви.

 „Храната богата со влакна ми го дуе желудникот“

Решение: мора да се потрудите да јадете повеќе растителни влакна, бидејќи така го намалувате нивото на холестерол. Покрај тоа помагаат во одржување на линијата, бидејќи брзо заситуваат и долго ве држат сити. Ако не сте навикнале на плодови богати со растителни влакна, вашето тело треба за две до три недели да се приспособи на новата исхрана. Нема да почувствувате никакви симптоми ако внесувате постепено по пет грама, количина која ја има во две резанки интегрален леб или во една и пол шолја јагоди. Ваша цел е 25 грама растителни влакна дневно. Пијте многу вода за да ви функционира дигестивниот систем.

Поврзани вести

ВИДЕО: Илон Маск откри дека страда од Аспергеров синдром, кој можеби е тајната на неговиот успех

Слободен печат

По првата доза на „Фајзер“ сѐ уште можете да се заразите со новите соеви на корановирусот

Слободен Печат

Дали сум бремена? Седум главни разлики меѓу рана бременост и ПМС

Слободен Печат

Шварценегер ја откри вртоглавата сума што ја добил за еден збор во „Терминатор“!

Слободен печат

Предлог за денешниот ручек: Пилешко со зеленчук

Слободен Печат

Маја Велкова, убавото лице на градот: Можеби бев единствената жена со посебни потреби која менаџираше салон

Мими Стојановска

Остави Коментар