10 милиони долари и неколку куќи остави зад себе Мугабе – Слободен печат
ВестиСкопје

10 милиони долари и неколку куќи остави зад себе Мугабе

Наследството опфаќа и една фарма, 10 автомобили и 11 хектари земја. 

Роберт Мугабе, поранешниот долгодишен претседател на Зимбабве, зад себе оставил 10 милиони долари и неколку недвижнини, може да се види од денеска објавениот список со неговото богатство, што тој го остави зад себе.

Многумина во Зимбабве, меѓутоа, сметаат дека овој имот е прескромен за Мугабе, кој со земјата владееше 37 години, и кого критичарите го обвинуваа дека има акумулирано огромно богатство и дома и во странство, пренесуваат американските медиуми.

Весникот „Хералд” не го наведува имотот на Мугабе во странство, иако се претпоставува дека имал неколку недвижнини во Јужна Африка и Азија.

Медиумите пишуваат и дека Мугабе, кој почина во септември, најверојатно не оставил тестамент и дека неговата сопруга и децата ќе го поделат наследството, во согласност со законот.

Наследството опфаќа и една фарма, 10 автомобили и 11 хектари земја.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close