10 години „Прилеп џез-викенд“: Богата тридневна фестивалска и оф-фест програма
Во организација на здружението за супкултура „ПП Џез-фестивал“ од 26-29 август, во Центарот за култура „Марко Цепенков“, ќе биде одржано десеттото јубилејно издание на музичкиот фестивал„Прилеп џез-викенд“.
Оваа година фестивалот ќе го отвори дуото„Кантон 6“, зад кое стојат Синиша Евтимов и Мирко Попов. Првата вечер од фестивалот ќе ја затворат „Летечки пекинезери“, бенд што повеќепатинастапувал во Прилеп. „Летечки пекинезери“ е состав што постои повеќе од петнаесет години на македонската џез-сцена.
Втората вечер ќе ја отворат „Такси консилиум“, а вториот дел од вечерта е резервиран за гитаристот Тони Китановски и бендот „Панда 5“ .
Третиот ден на фестивалот нуди многу интересна програма – започнувајќи со омаж на легендарниот бенд „Џеџмесинџерс“, кој започна со работа во 50-тите и беа активни до 90-тите години од минатиот век.
Џез-викендот ќе го затвори составот на врвни музичари „Сајга квартет“ со Јуре Пукл, словенечки саксофонист штоживее и работи во Њујорк, во придружба со познатиот пијано музичар Васил Хаџиманов.
Ова година во оф-фест програмата на 29 август на локалитетот Врбјанска Чука (кај село Славеј) ќе има настап групата „Љубојна“.