Eкипата на Јувентус нема намера летните подготвки да ги има во САД и турнирот „Меѓународен куп на шампионите“ ќе се одржи во Азија. Причината според весникот Њујорк тајмс е Кристијано Роналдо, односно процесот кој се води против него во Лас Вегас поради обновената истрага за наводното силување на Кристин Мајорга.

Процесот е сеуште во фаза на собирање докази, но Јувентус сака да избегне полицијата евентуално да го приведе Роналдо и поради тоа традиционалните летни подготовки ќе ги има во Азија.
Со овој потег се избегнува ризикот Роналдо повторно да биде во центарот на вниманието на иако Португалецот се согласи да сведочи на евентуалниот судски процес.

Челниците на Јувентус негираат дека токму Кристијано Роналдо е причината за преместувањето на подготвките, тие сакаат по една сезона во САД да дојдат и во Азија каде имаат голем број на навивачите, но јавноста многу не верува во образложението на „старата дама“.  Италијанскиот тим кој е пред освојување на нова титула, своите натпревари од „Меѓународниот куп на шампионите“ би требало да ги игра во Кина и во Сингапур.