Светскиот рекет број еден , Новак Ѓоковиќ нема по добро да ги памети првите два мастерс турнири кои се играат во САД годинва. По раната елиминација во Индијан Велс, сега Ѓоковиќ е елиминиран во осминафиналето во Мајами. Подобар од српскиот тенисер беше Роберто Баутиста Агут кој славеше во три сета со 1:6, 7:5, 6:3.

Успешен настап во осминафиналето имаше бранителот на титулата Џон Изнер кој со 7:6,7:6 го победи Кајл Едмунд. Борна Чориќ три сета го елиминира Ник Кирјос, а настапите ги продолжуваат и младите Френсис Тиафо и Денис Шаповалов кои во четвртфиналето ќе играат меѓу себе. Тиафо во два сета го победи Давид Гофан со 7:5,7:6, додека Шаповалов ја доби пресметката со Циципас во три сетови, 4:6,6:3,7:6.

ај дамите, елиминирана е втората носителка Петра Квитова. Подобра од чешката тенисерка беше Ешли Барти во три сета (7:6,3:6,6:2)..