Тренерот на Загреб, Бранко Тамше призна дека Вардар беше подобра екипа во двомечот и сосема заслужено оди во четвртфиналето. Тамше смета дека Вардар заслужува повторно да биде дел од завршниот турнир во Лигата на шампионите.

– Мислам дека Вардар е екипа, која може да дојде на Ф4, ако зборувам искрено. Што се однесува до денешниот натпревар, во првото полувреме не одигравме како што сакаме, особено не во одбраната, а Вардар тоа го искористи и направи предност од шест гола. Во вториот дел стистнавме малку во одбраната, игравме побрзо во транзиција, постигнавме и неколку лесни голови, дури и изедначивме на 30-30. Сепак, на крајот имавме три исклучувања, а екипа како Вардар знае тоа да го казни – изјави Тамше.