Попоски: Дигитализација во осигурувањето, поевтини полиси и поефикасна исплата на штети

Дигитализацијата во осигурувањето ќе влијае на поголемо задоволство на осигурениците, намалени цени на полисите за осигурување и поефикасна исплата на штети, истакнал претседателот на Советот на експерти на Агенцијата за супервизија на осигурување Климе Попоски  при учеството на форумот „Global InsurTech Roadshow”, што се одржува во Франкфурт, во организација на дигиталниот ценатр TechQuartier, и поддршка од Европскиот регулатор за осигурување и пензии (EIOPA).

Попоски, во обраќање на панел дискусијата „Регулаторни разговори” се осврнал на улогата на Агенцијата како регулаторно тело за поддршка на дигитализацијата која во иднина ќе има силно влијаните врз промена на работните процеси на друштвата за осигурување и посредниците во осигурувањето.

– Промените ќе значат поголема економичност во работењето на осигурителните субјекти и тоа ќе влијае врз намалување на цените на осигурителните продукти, поголема и поедноставна достапност до потенцијалните осигуреници, поголема ефикасност во решавање на штети, поголемо задоволство во консумирање на осигурителните продукти и поголема стабилност на осигурителната индустрија, посочи Попоски на панел дискусијата.

На дводневниот форум во Франкфурт учествуваа  претставници од регулаторни тела, осигурителни друштва и посредници во осигурувањeто, start-up компании и универзитески професори.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот