Мбапе еден ден сигурно ќе го облече дресот на Реал Мадрид
Новинарот на францускиот весник „Ле Паризиен“ Жулиен Лорен тврди дека Килијан Мбапе сигурно еден ден ќе го носи дресот на Реал Мадрид.
Според неговите информации, шансите ова лето 20-годишниот фудбалер на ПСЖ да се пресели на „Сантијаго Бернабе“ се еднакви на нула, бидејќи челниците на францускиот тим не сакаат така лесно да се откажат од услугите на најталентираниот фудбалер во светот.
Пазарната вредност на Мбапе изнесува помеѓу 250 и 300 милиони евра, а првата понуда од Реал Мадрид во висина од 280 милиони евра е одбиена.
„Бидете сигурни дека Мбапе еден ден ќе го носи дресот на Реал Мадрид. Оваа година нема да се случи трансферот но големи се шансите работата да биде завршена 2020 година“ напиши Лорен во својата колумна за „Ле Паризиен“.
Лорен смета дека на раководството на Реал Мадрид ќе му биде потребно време да најде заеднички јазик со челниците на ПСЖ и голема е веројатноста младиот француски репрезентативец да се пресели во Мадрид во 2020 година и тоа за рекорден трансфер.