Горбок: Полно ми е срцето
Екипата на Вардар по шест пат едноподруго обезбеди пласман во ракометната Лига на шампионите откако и во реваншот славеше над Загреб.
Иако сите дилеми околу патникот меѓу осумте најдобри во ЛШ беше решен по првиот натпревар, Вардар со 32-30 славеше и пред своите гледачи, а натпреварот по обележа и повратникот Сергеј Горбок.
Тој се врати на терените по пауза од шест и пол месеци поради рехабилитацијата од оперираните предни вкрстени лигаменти.
– Благодарам на Загреб за два добри натпревара. Тие не беа толку добри во првата, но вечерва беа одлични. Ние бевме подобри во првото полувреме, добро влеговме во мечот, но во второто полувреме нешто не одеше. Важно е дека победивме, дека задоволна е и публиката, а и ние. Јас многу работев на тоа да се вратам на теренот. Разговарав со тренерот и тој имаше впечаток дека сè одеше добро и решивме да играме. Полно ми е срцето затоа што успеав да придонесам малку за оваа победа на Вардар – изјави Горбок.