Раперот Канје Вест и архитектка Бјанка Ценсори во наредните денови ќе поднесат документи за прекин на бракот, пишува „Дејли мејл“. Бјанка моментално престојува во нивниот луксузен дом вреден 35 милиони долари во Лос Анџелес.

По разводот наводно Бјанка ќе добие пет милиони долари. Засега не е познато каде е Канје, но неговите пријатели веруваат дека ќе замине во Јапонија на некое време.

Веста за развод дојде неколку дена откако Канје и Бјанка предизвикаа скандал на Греми.

Таа изгледаше очигледно несреќна на црвениот килим на 2 февруари. Откако накратко им позираа на фотографите, Вест, како што забележаа читателите на усните, и нареди да „направи сцена“, а Бјанка потоа го соблече палтото и позираше целосно гола. Прво го покажа задниот дел, а потоа се сврте и покажа пред милионскиот аудиториум дека не носи ништо под проѕирниот фустан.

За разводот на Вест и Бјанка се зборуваше и минатата година. Медиумите на почетокот на октомври објавија дека парот се скарал и се разделил и дека за тоа ги известиле своите најблиски луѓе. Во тоа време беше објавено дека Бјанка заминала во Австралија за да биде со своето семејство, а Канје имал планови да се пресели во Токио. Разводот не се случи тогаш, но дали љубовта сега е завршена, останува да видиме.

Двојката се венчаше на 20 септември 2022 година. Канје претходно беше во брак со Ким Кардашијан, со која ги имаше децата Норт, Сент, Чикаго и Псалм.

Се огласи мајката на Бјанка Ценсори по скандалот на Греми: Немам што да кажам за неа