Неверојатниот Харден го отпиша Сакраменто од плејфот – Слободен печат
КошаркаСпорт

Неверојатниот Харден го отпиша Сакраменто од плејфот

Познати сите осум екипи во Западната конференција кои ќе се борат за титулата

Џејмс Харден со новиот фантастичен натпревар во кој оствари трипл-дабл го отпиша Сакраменто од трката за плејофот и им направи услуга на Сан Антонио и Оклахома Сити.

Харден во победата на Хјустон од 119:108 имаше учинок од 50 поени, 11 скокови и 10 асистенции притоа постигнувајќи десет поени во низа за „ракетите“ во моментите кога се одлучуваше победникот.
Ова беше петти натпревар на кој Харден стигнува до трипл-дабл со 50 постигнати поени, категорија во која тој е најдобар во историјата на НБА-лигата и 18. меч со најмалку 50 постигнати поени, со што е на делба на четвртото место во НБА-историјата.

Поразот на Сакраменто ги однесе Сан Антонио и Оклахома сити во плејофот со што се познати сите осум учесници во разигрувањето за титулата во Западната конференција.
За Сан Антонио ова ќе биде 22 по ред учество во плејофот со што се израмни со Филаделфија

Резултати:
ЛА Клиперс – Кливленд 132: 108
Хјустон – Сакраменто 119: 108
Бруклин – Бостон 110: 96
Детроит – Портланд 99:90
Индијана – Орландо 116: 121
Њујорк – Мајами 92: 100
Чикаго – Торонто 101: 124
Минесота – Филаделфија 109: 118
Феникс – Мемфис 115: 120

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close