Заев-Хан: Очекуваме и веруваме дека од јуни Република Северна Македонија ќе почне да испишува европска иднина – Слободен печат
Вести

Заев-Хан: Очекуваме и веруваме дека од јуни Република Северна Македонија ќе почне да испишува европска иднина

Премиерот Заев, информираат од владината прес-служба, искажал верување дека за само неколку месеци, Северна Македонија ќе почне да испишува нова, европска иднина.

Претседателот на Владата на Република Северна Македонија, Зоран Заев во рамки на еднодневната посета на Брисел, денеска оствари средба и со Комесарот за проширување и соседска политика на ЕУ, Јоханес Хан, со кого разговарале за европската иднина на нашата земја.

Истакнувајќи дека 15-тиот состанок на Советот за стабилизација и асоцијација се одржал во исклучително значаен период за Република Северна Македонија, на средбата премиерот Заев потенцирал дека единствената алтернатива за нашата земја е членство во Европската Унија.

Премиерот Заев, информираат од владината прес-служба, искажал верување дека за само неколку месеци, Северна Македонија ќе почне да испишува нова, европска иднина.

На средбата, еврокомесарот Хан го охрабрил премиерот Заев да продолжат реформите во земјата, а била искажана и поддршка за дијалог, како и учество на сите политички партии во носењето одлуки што се од интерес на Република Северна Македонија.

Заев, се вели во соопштението, на средбата со Хан потенцирал дека очекува за околу еден месец да се одржат успешни и кристално чисти претседателски избори.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close