Жикица Тасевски си поднесе оставка по поразот од Вардар – Слободен печат
СпортФудбал

Жикица Тасевски си поднесе оставка по поразот од Вардар

Поднесов неотповиклива оставка поради за мене неприфатливата ситуација во која се наоѓа мојот клуб

Жикица Тасевски по поразот од Вардар (0:2) поднесе неотповиклива оставка од тренерската функција во Работнички. Тоа е трет пораз во низа за „романтичарите” а Тасевски ја презеде одговорноста поради слабите резултати.

– Поднесов неотповиклива оставка поради за мене неприфатливата ситуација во која се наоѓа мојот клуб. Работев, посветено, искрено, секогаш подготвен за стручна анализа и одговорност за сопствените дела. Резултатски не бевме најдобри, тоа треба да го признаеме, а кој го познава денешниот фудбалски поредок тоа секако ќе го разбере. Сакам да се заблагодарам на претседателот Драган Поповски и на директорот Иван Поповски за довербата и условите за работа кои ни беа овозможени. Им посакувам на сите во клубот многу среќа во продолжението на првенството. Ќе бидам најсреќен ако моето заминување биде пресвртница кон нови успеси достојни за клуб каков што е Работнички –  изјави Тасевски за клупскиот сајт.

Работнички попладнево во 24. коло од Првата македонска фудбалска лига загуби од Вардар со 2:0 и падна на шестото место на табелата со 33 бода, дури 20 помалку од лидерот Шкендија.

 

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close